~*¤®§(*§ شاريتج وابيتج §*)§®¤*~ˆ°
بسم الله الرحمن الرحيم
اكتب هذه القصه بلسان صاحبتها (( قصه رومانسيه حزينه واقعيه ))
ابطال القصه : دلال ؛ خالد
عائله دلال : ملاك ؛ كوثر ؛ دلال ؛ عهود ؛ عبير ؛ الهام ؛ سامي>> الاخ الوحيد
عائلة خالد : خالد << الابن الاكبر ؛ مها ؛ عامر ؛ فوزيه ؛ طلال ؛ حليمه ؛ بدور
ام خالد بالتلفون : السلام عليكم ؛ كيفك يا ام دلال (( ام دلال وام خالد جيران واصدقاء))
شنو مسويه اليوم ؛ شنو رايك نطلع اليوم سوا ع البحر
ام دلال : وعليكم السلام ؛هلا والله اليوم لا والله ما اقدر بنتي دلال عندها موعد تطعيم
اليوم خلي الطلعه بكره
ام خالد : خلاص اتفقنا بكره ان شالله (( خالد اكبر من دلال بــ 3 سنوات ))
وبعد مرور 4 سنوات ...
حيث صار عمر دلال 6 سنوات وخالد 9 سنوات
دلال في الحديقه قاعده تلعب بالارجوحه
خالد : دلال شنو تسوين ليه طالعه بدري من البيت!
دلال : قاعده العب انا دائما لا جيت العب القى بنات الحاره جالسين عليها
وانا بخاطري العب بس اهم يطولون وهم يلعبون ويتأخر الوقت ولا اقدر العب وارجع البيت
خالد : تبين ادفتج
دلال : ايه
ام دلال : دلال وينتج يالله دخلي البيت
خالد : دلال امتج تناديتج ؛ خلاص تعالي بكره وراح نلعب
ام دلال : خالد وانت راد البيت وصل دلال وياك
خالد : طيب خالتي
وبعدها وصل خالد دلال للبيت ويوم تأكد انها دشت هم اهو رجع البيت
دلال : ماما بكره صحيني بدري
ام دلال : ليه دلولتي
دلال : ابي العب بالمرجيحه
ام دلال : انتي الحين اكلي ونامي بدري وراح تصحين بدري
الساعه 9 مساء ودلال في فراشها نائمه
ام دلال لابو دلال: وينك ماترد ع جوالك تعبت وانا اتصل عليك عسى خير ليه تأخرت اليوم
ابو دلال : لا والله ما انتبهت لجوالي الا وانا عند الباب تو والله وانا راجع من الدوام شفت ابو خالد برى وقعدنا نسولف بالحديقه ولا انتبهت للوقت آسف لاني خليتك تحاتين
يالله العشاء ياهز والله اني ميت من الجوع
ام دلال : ايه جاهز بدل ملابسك انت الحين وانا بحطلك العشاء
وع العشاء .. في بيت ابو خالد
ابو خالد لام خالد : ترى ابو دلال قال نتفق ع يوم كذا نطلع نتمشى مع بعض
ام خالد : أي والله من زمان ما طلعنا معاهم خلاص انا اتفق مع ام دلال ونردلكم خبر في أي يوم نطلع .
اليوم الثاني الساعه 9 صباحا
دلال : وهي نايمه تشان تشوف الشمس من الشباك
قامت بسرعه وبدلت ملابسها وراحت حق امها وقالت ماما ليه ما صحيتيني بدري انا الحين ما اقدر العب كل بنات حارتنا جالسين عليها
ام دلال : لا تخافين حبيبتي لا بتلقين مكان وراح تلعبين
طلعت دلال وشافت سالم ولد جيرانهم
سالم : تجين تلعبين معانا
دلال : لا ما ابي بروح العب بالمرجيحه
ساره بنت جيرانهم : بس ما تقدرين تلعبين فيها
دلال : ليه !
ساره : تعالي شوفي ما ادري منو رافعها فوق ولا نقدر نوصلها
بعد 3 دقايق وصل خالد : انا اللي رفعتها فوق
دلال : ليه نبي نلعب فيها
خالد : ايه لانك تاخرتي اليوم وقلت ما ابي بنات الجيران يلعبون فيها عشان تجذيه رفعتها
الحين بنزلها لتج وراح ادفتج
ساره : لا ما يصير هم انا ابي العب فيها
دلال : شكراً خالد ؛ ايه ابيك تدفني فوووق
وكان خالد على عادته كل يوم يرفع المرجيحه لدلال
وبعد مرور 7 سنوات
استقال والد ابو دلال من عمله مما اضطروا الا النقل من منزلهم
والانتقال الى منطقة اخرى ؛ ولاكن لازالت الاتصالات مستمرة بين ام دلال وام خالد
والزيارات فيما بينهم ؛ واقترحت ام خالد لابو خالد ان يبني منزلاً جديداً بجوار ام دلال
ووافق ابو خالد ع الاقتراح واخذ بالبني .
وعندما انتهى منزلهم من البناء قام بتأجيره الا ان يتم تقاعده من العمل ويأتي الى الانتقال لمنزلهم .
حيث اصبحت دلال بالثانويه العامه وخالد بالجامعه
ام خالد بالتلفون : السلام عليكم
دلال: وعليكم السلام
ام خالد : منو دلال ولا عهود << عهود اخت دلال الاصغر منها بسنتين
دلال : لا انا دلال
ام خالد : كيفك دلال وين امك
دلال : انا بخير خالتي ، امي راح اناديها لك بس دقايق
ام دلال : هلا والله ام خالد
ام خالد : والله بغيتك في موضوع بغيت رايك فيه
ام دلال : خير ان شالله شنو بغيتي !
ام خالد : لا بس بغيت اخطب حق خالد وبغيت آخذ رايك في بنات ام سامي
ام دلال : بغيتي تاخذين أي وحده فيهم
ام خالد : بغيت آخذ شيخه شنو رايك فيها
ام دلال : والله ما ادري بس احس انها عصبيه حيل واذا انتي تشوفين لا انها تناسبه خلاص توكلي واخذيها لولدك
ام خالد : الله يكتب فيه الخير بس يعطيك العافيه يالله مع السلامه
دلال : يمه شنو كانت تبي ام خالد
ام دلال : تبي تخطب شيخه حق ولدها
دلال : شيخه ما غيرها والله احس انها ما تناسبه وبعدين امها شرانيه
ام دلال : تقولين كذا
دلال : ايه كلميها وقليلها
ام دلال : هلا ام خالد والله سألت بنتي دلال وتقول انها ما تناسب حق ولدك
ام خالد : والله ما ادري صراحه محتاره دام انتي تشوفين كذا خلاص مو ماخذتها
دلال : طيب ليه ما تاخذ من اقاربهم
ام دلال : يمكن ماتبي ، تبي تاخذ من برى عايلتهم
دلال: يمه متى اشتري فستاني في زواج ملاك خلاص ما بقى عليه الا اسبوعين
ام دلال : ان شالله بعد يومين راح ننزل السوق وتشترون انتي وخواتج
دلال: انا بخاطري اشتري لون اخضر
عهود : لا هذا لوني انا ابي البس اخضر في الزواج
دلال : لا تقلديني خلاص انا قلت قبلتج
عهود : يصير خير بس الا لما ننزل السوق
دلال: اقول عهود وين ملاك
عهود : حاطه قناع خيار ع وجها تتجهز للعرس تعرفين العروسه لازم تطلع باحلى طله
دلال: تعالي خلينا نروح نتحرش فيها
ام دلال: خلوا عنكم الكلام اللي ماله داعي وكل وحده فيكم ترتب غرفتها
دلال : يالله يا يمه وانتي كل ما شفتي وجهنا قلتي رتبوا
>>يدق جوال دلال غنيه والله واحشني موت لماجد المهندس<< سامي اخوها
سامي : انا في السوق تبون شي !
دلال : <<تنادي بصوت عالي << بنااااااات سامي يقول تبون شي من السوق
اسمع انا ابي بيبسي دايت او بطاطس بالكاتشب تسالي << طلبيتها المعتاده
عهود : انا ابي بطاطسات
عبير : ابي سنكرس وكت كات وباونتي << عاشقه الشوكولاته
سامي : بس ملاك ماتبي شي
دلال: اهي حاطه قناع ما تقدر تتكلم والهام نايمه
ام دلال : الا الحين ما صحت اختج روحي صحيها خلاص كل هذا نوم
وبعد مرور يومين وبالتحديد بالسوق .....
عبير : يمه ابي هالفستان عاجبني
ام دلال: اكيد مو اذا رجعنا البيت تقولين مو حلو
عبير : لا عاجبني اكيد
ام دلال : يالله روحي وطلبي مقاستج
عبير في غرفة القياس ....
عهود : ههههههه يالدبه سوي رجيم
دلال: لا ما عليتج منها حلو
عبير : اصلا انا واثقه يالله بروح احاسب
عهود : مو ذابحنا الا الوثوق مالتج
دلال: افففف، مالقيت شي
ام دلال : ترى ماراح تنزلون للسوق مره ثانيه اذا تبون تشترون اشتروا اليوم وخلصونا
عهود : دلال تعالي شوفي هذا حلو صح
دلال : ايه حلو دام انه مو اخضر
عهود: لاوالله صج حلو السماوي علي
دلال: ايه حلو عليتج ؛ يالله ما بقى الا انا ما اشتريت
وبعد الفرفره بالاسواق خلاص باشتري هذاك اللي ع البترينه
عبير : الاخضر اللي بالزاويه
دلال: ايه حلو صح
عبير : ايه حلو بس خلصينا ترى تعبت
دلال: خلاص ابيه بروح احاسب
وفي يوم الزواج ......
دلال: وين ملاك
الهام : نايمه
دلال: يؤ صحوها خلاص انا بروح اصحيها
ملاك : خليني نايمه طول الليل مانمت
دلال : يالله موعدتج مع الكوفيره نسيتيه
ملاك: ليه الساعه كم
دلال : الساعه 8 يالله قومي
ملاك: يالله الحين قايمه
ام دلال: يالله يابنات بنروح الكوافير
في الكوافير ..........
الكوفيره: يالله انتوا كثير
كوثر: قولي ما شاء الله
الكوفيره : ما شاء الله ؛ يالله مين الاولى ابتدي فيها
دلال : انا ابي اخلص وافتك
الكوفيره : يالله جلسي هنا وفكي شعرتج بسم الله
دلال: بشويش لا جيتي تستشوريني ولاتحرقيني
الكوفيره : ان شالله ، كيف تبين التسريحه مالتج
دلال: أي شي بس تكون حلوه وتكون نيو لوك
الكوفيره : لاتخافين انا راح اطلعتج قمر
عبير: دلال تسريحتج حييل حلوة ، منو سوالتج اياها ؟
دلال : قولي ماشاء الله لا يقب شعري
عبير : ماشاء الله خلاص اذا بسوي شعري بسويه عندها
دلال : كيفتج
الكوفيره: خلاص دلال كيف التسريحه
دلال : تسلمين الحين احط المكياج هنا
الكوفيره : لا موهنا دخلي الغرفه الثانيه
كوثر : عهود شنو رايك بتسريحتي
عهود : ما اقدر الف عليك خليها تخلص شعري من هالجهه
الكوفيره : يالله انا راح ابتدي بالعروسه استريحي هنا
ملاك : بسم الله ؛ الهام جيبي الاكسوارات اللي بشنطتي
الهام : اللي بالكيسه الحمراء
ملاك :ايه
وبعد مرور6 ساعات
ام دلال : يالله بنات اللي جهزت تلبس عبايتها بمر خالكم بعد عشر دقايق
ملاك : بنات وحده منكم تجلس معاي لين اخلص
كوثر : يالله انا بطلع
عهود : انا خلصت
دلال : انا بجلس معاك ملاك
ام دلال : يالله طلعو وخذوا اخوكم سامي معاكم
عبير : دلال كيف المكياج حقي ؟
دلال : حلو بس خليها تعدل الروج حقك احس انه مو مناسب
عبير : أي والله حتى انا قلت
وفي قاعة الزواج .....
ام دلال : هلا والله بالحضور شرفتونا
ام سوسن : يام دلال ماشاء الله عليك بنات مثل القمر << جاره ام دلال
ام دلال: تسلمين انتي الاحلى حياتج استريحي
كوثر : ماما وين دلال
ام دلال: شوفيها كاعده تعدل بالكوشه ع المسرح
الهام : تصدقين عبير وربي ميه جووع من الصبح ماكلينا شي
عبير : وربي فاضيه انتي
الهام : بروح اشوف فيه شي ينأكل <<جلست بغرفه العروسه تاكل
طق طق طق << فيه احد عند الباب من برى عند غرفه العروسه
الهام : كح كح غصت بالاكل منو ع الباب
عذاري: فتحي انا الطقاقه
الهام : كوثر كوثر الطقاقه جاااات وناااااسه فيني طرب
عذاري : ياحريم بيدخل المهندس يعدل الميكرفون اللي تبي تتغطى
الوووو.. الووووو..
دلال: عهود شعري خرب ولا باقي عدل
عهود : اشوف التفتي ؛ لا باقي زيين
دلال: الهام يالغبيه بستج اكل الروج حقتج راح
الهام : امانه انزين شسوي جوعانه الحين بحط لي رووج
الهام : هااه عهود الروج زيين
عهود: ايه عدل
كوثر : يالله وينكم خلونا نرقص الغنيه الثانيه لنا
ام دلال: يابنات تعالوا سلموا ع ام خالد وصلت
عبير: هلا والله تفضلوا
دلال: اهلين مها شلونتج شخبارتج اشفيكم تأخرتوا؟
مها : اسكتي بس ابوي مضيع الطريق ساعتين وهو يلف فينا
دلال : المهم انكم وصلتوا بالسلامه
ام دلال:حياكم ترى القهوه بردت
ام خالد: ماتقصرين والله
كوثر: يالله بنات نروح نرقص
عبير : يالله قومي ازعجتينا ترى
قاموا ورقصوا ع اغنيه افرحي يام العروسه وافرحي يا ام العريس
وقعدوا رقص في رقص الى ان جاءت الزفه
الساعه 12
ملاك : يالله خايفه فيه زحمه الكراسي مليانه وربي بديت اعرق
كوثر: يالوصخه خذي منديل عطوها البودره والعطر
ام دلال : هاتي المدخنه ابخرها
دلال: عطيت حقت الدي جي شريط الزفه يالله ملاك وين المسكه حقتك
ملاك : جيبيها ع الكرسي هناك بنات تدربتوا ع الزفه شلون راح تكون
كوثر : يؤ لا ماتدربنا
ملاك : يالله شوفوني شلون اسوي تاخذون السيف وتحطونه ع كتفكم مره يمين ومره يسار
كوثر انتي خليك قدامي ع اليمين ودلال انتي ع اليسار وعهود وعبير خليكم وراي تساعدوني بفستاني
عبير : خلاص اوكي يالله ملاك روحي وقفي وراء الباب الزفه بتبدأ بعد شوي
المصوره : يالله ياملاك ابتسمي
وبدت الزفه وكانت اغنيه احلام ( شي غريب ) ونص ساعه تمشي ملاك ع الجسرلين ماتوصل الكوشه
المصوره : يالله اجلسي هنا اضحكي للكاميرا
وجات زفه الرجال ودخل سامي اخوهم وانتهى اليوم الى الفندق
بالسياره الساعه 4:30
عبير: اشفيكم ساكتين طرمان
كوثر : اسكتي بس خلاص تعبانيين
في اليوم الثاني
ام دلال : شفتوا بنت عمتكم شنو لابسه
دلال : أي وحده
ام دلال : هند
عبير : ايه فستانها حيييل عاري ولا قاعده تمشي قدام الكاميرا رايحه وجايه
في منزل ابو خالد
ابو خالد : شلون العرس كان
ام خالد : والله رووعه والله تعبوا في زواجهم وما قصروا ضيفونا
مها : بس دلال وربي ما عرفتها صايره تهبل
ام خالد : أي ماشاء الله عليها
خالد : دلال اللي كنت العب وياها
فوزيه : ايه شعرها طال وصايره حلوه هي احلى خواتها
خالد<< اخذ خالد في هذه اللحظه يتذكر تلك الايام ويحاول جاهذا ان يتذكر ملامح وجهها
واخذوا بالحديث عن دلال وخالد شرد بذهنه بعيدا
وبعد عدة ايام من الزواج
في منزل ام دلال
الهاتف : تررررن
ام دلال : الو
ابو خالد : السلام عليكم ابو دلال موجود
ام دلال : نايم والله فيه شي ضروري تبيني اصحيه
ابو خالد : لا بس متى ما صحى خليه يكلمني ضروري
ام دلال : ان شاء الله
عبير: منو ماما
ام دلال : هذا بوخالد يقول يبي ابوكم ضرووري الله يستر
وبعد ساعتين استيقظ ابو دلال
ام دلال: ابو خالد اتصل وقال يبيك
ابو دلال : خلاص راح اكلمه انا طالع الحين تبون شي
ام دلال : لا يعطيك العافيه
ع المغرب
دلال: وربي جوعانه بروح اسوي لي بطاط مقلي
عبير : حسبيلي معاك
دلال : لا قومي انتي وسويلك
كوثر: ترى ملاك بتجينا اليوم بعد شوي تدرون
عهود : لا ماندري
الهاتف: تررررن
عهود : الوووو
ابو دلال: وين امك؟
عهود : لحظه ,, يا ماما تلفون بابا ع الخط
ام دلال: ايوه , الوو
ابودلال : هلا ، بغيت اقلك كلمت ابو خالد تدرين شنو يبي
ام دلال: شنو
ابودلال : يبي يخطب خالد حق دلال شنو رايتج انتي
ام دلال: انا اهم اهل والنعم فيهم بس الراي الاخير حق دلال
ابو دلال: خلاص كلميها وشوفي رايها
ام دلال: ان شاء الله مع السلامه
ام دلال: دلال تعاااالي ابغاك
ملاك : انا هنا ماتبغيني
ام دلال: لا روحي ناديها
جات دلال وقاعده تاكل بالبطاط شنو ماما
ام دلال: ياماما بصراح هابوك كلمني الحين وقالي خالد ولد جيرانا يبي يتزوجك شنو رايك
دلال: هاه نزلت صحن البطاط
ملاك : منو خالد لاااااااااااا ما اصدق هههههههههههه
عبير قعدت تاكل بالبطاط ودلال ماناقشتها بشي
جلست دلال تفكر وتسترجع اللحظات وقالت : راح افكر
ام دلال : خذي راحتك ورديلي بس تراه فيه الربو لاتقولين بعدين ماقلنالك
دلال: خلاص
وبعد اسبوعين دلال: ماما انا موافقه
ام دلال: خير ان شاء الله وراح اعطي ابوك خبر
بعد اسبوع جاء ابو خالد والعائله للخطبه
وطلب خالد انه يشوف دلال زي ما يقولون ( الشوفه الشرعيه )
ويوم جات دلال تبي تدخل تجمدت عند الباب وامها تدف فيه وهي ولاحركه بعدها امها دفتها بقوه ودخلت وهي طايره من الدفه كان الموقف يضحك
ابو دلال : هاذي بنتي دلووول تعالي سلمي ع خالد
دلال: تقول حق ابوها لامابي بصوت واطي
اخذ يدها ابوها ومداها ع خالد وسلموا ع بعض بطرف اصابعهم
بعدها جلست ع طول ونزلت شعرها ع وجها طوول الوقت منزله راسها ويوم رفعت راسها جات عينها بعينه وقالت بنفسها وييييه منه ما يخلي الواحد يشوف
ابودلال : دلووو جيبي المنديل اللي ع الطاوله يبيها تقوم وتمشي ابوها عشان يشوف خالد طولها
دلال: بسرعه قامت ما اخذ منها دقيقه وعطته بعدها قامت وطلعت
ملاك عند الباب جالسه تتسمع واول ما اطلعت دلال قالت ملاك هاه شو صار وشنو قال
دلال: يالله ياماما دفيتيني بقوه صار شكلي يضحك وانا داخله
يتبع <<
كوثر: هههه ليتني شايفه شكلتج
الخطبه تمت ودلال في السنه الاولى من الجامعه
وخالد في السنه الاخيره من الجامعه
ومرت الايام والايام
بعد مرورسنتين
دلال في السنه الثالثه من الجامعه وخالد موظف في احدى الشركات
الهاتف : تررررن
سامي : الو
ام خالد : امك موجوده
سامي : ايه دقيقه ، ماما تلفوون
ام دلال: الوو، هلا والله
ام خالد : هلا فيك ، والله بغيت اقلك خالد خلاص يقول مافيه صبر ويبي يملك ع دلال ع الشهر الجاي
ام دلال : اشفيه مستعجل
ام خالد : يقول اهو متحمل هالسنتين بالحسره
ام دلال: ع خير ان شاء الله وراح نرد لكم ، مع السلامه
ام دلال: دلال هاذي ام خالد تقول ولدها يبي يملك
دلال : طيب خليهم يجون يالله
ام دلال : صج انتج ماتستحين ع شو مستعجله
دلال: خلاص زهقت وانا اقول مخطوبه انا مخطوبه صار لي سنتين
ام دلال: ع بالك الزواج سهل ترى مو لعبه مسئوليه
دلال: ايه ادري
شوي والا يدخل ابو دلال راجع من الدوام
ام دلال: ترى ام خالد اتصلت فيني وتقول يبون يجون يملكون
ابو دلال : شوو دلوول انتي شرايك موافقه
دلال: ايه
ابو دلال: خلاص ع راحتها احنا ما راح نجبرك ع شي
اتصلت فيها ام دلال بعد كم ساعه وخبرتها بالموافقه
وبعد كم يوم
ملاك تدرب دلال شلون تنزل ع الدرج وشلون تقطع الكيك وفين تجلس
وخذي ضحك واستهبال وسامي يقول حق دلال تخيلي يالله انا خالد تعلمي شلون تمسكين يدي ويقول لها يالله شربيني عصير
يعني البروفه هاذي استمرت الين الفجر
(يوم الملكه ) ومن هنا تبدأ القصه
الهاتف: تررررن
ام دلال: الووو
ام خالد : الملكه في بيتكم ولا بتحطونها في فندق
ام دلال: لا في بيتنا
ام خالد : بتعزمون اهلكم ولا بس انتوا
ام دلال : لا مافي احد من هلي بيجي نبيها مختصره وعائليه
ام خالد:خلاص اجل ع الساعه 3 العصر خالد بمركم ومعاه شوي شغلات
ام دلال: ان شاء الله
الساعه 3 العصر
ام دلال: سامي شوف خالد عند الباب شوف شنو معاه وجيبه
دخل سامي البيت ومعاه الكيكه يؤؤؤ احد يجي يساعدني ويشيل معاي
عبير: كيكه شنو هاذي اشوف افتحها
دلال:اشوف شنو جاب فتحت الكرتون ومكتوب ع الكيكه الف مبروك اسمها واسم خالد
ملاك : دلال يالله قاعده تطالعين بالكيكه يالله نبي نروح الكوفيره وبعدها الاستديو بنصور مافي وقت
ام دلال : روحوا ولا تتأخرون
ام دلال : يالله نجهز الاغراض يابنات
بعد المغرب جاء المأذون والشهود ومنهم زوج ملاك
وجات دلال ولابسه الفستان الاخضر موديله فرعوني وفاله شعرها طبعا مصبوغ اشقر
والاسوارات ذهبيه اول ماجات من استديو التصوير طلعت فوق جالسه يعني قال تستحي
المهم مر اليوم وجاء المأذون يعبي بالاوراق وسأل اذا كان فيه شروط
ابو دلال: ان شاء الله مافي شروط وحدود بينا احنا وبوخالد عايله وحده
ابو خالد : تسلم بس هاذا من حق البنيه شنو شروطكم
ابو دلال: بيت مستقل فيها – ولا يمنعها من تكمله دراستها
ابو خالد: كل هاذا من حقها واحنا موافقين ع كل الشروط
وعند الحريم
ام خالد : كم تبون مهر حق بنتكم
ام دلال: يؤ احنا خواات وانتي ادرى كم البنت تحتاج لانك راح تزوجين بنتك مها بعد كم شهر وجاء وقت خالد يلبس الشبكه لدلال
كوثر: مها احنا نبي نصور فديو دقي ع خالد سأليه اذا موافق نصوره
مها : رسلت له مسج ورد عليها بالموافقه
دخل خالد بالصاله وجلس وطبعا كل هذا صار وباقي دلال فووق
المهم الاضواء طافيه وبس لمبه الدرج شغاله ونزلت دلال من فوق ع موسيقى هاديه مع شعر
ام خالد : خالد يمه ناظر زوجتك وهي نازله
طبعا ملاك وعهود قاعدين يصورون دلال والثانيه تصور خالد
يوم وصلت دلال عنده وقف ومسك ايدها وقام يلبسها الخاتم بعدها السلس وبعدها يوم جاء يلبسها التراتشي ماعرف يقفلها وجات اخته مها وقفلتها ولبسها السواره
وكل هذا وهو يرتجف
المهم قاموا يقصون الكيك ودلال طاح عليها شوي من الكريمه ع فستانها وجاء خالد اخذ المنديل ينظف ويمسح بالفستان
وملاك : تاخذ صور من ع اليمين ومن ع اليسار
بعدها شغلوا المسجل وقامت ترقص ام خالد وام دلال ويا بعض
بعد الرقص والدح قالت ام خالد خلينا نخليهم لحالهم شوي
ودخلوا الغرفه
وطبعاً عبير فوق بالصاله تتسمع لان الصاله الفوقيه مفتوحه ع الصاله اللي تحت
خالد : كيفك
دلال: الحمدلله بصووت ماينسمع
خالد : اخيرا خلونا بحالنا ،، شو اسمك
دلال: ساااااااكته ولا حس ولاخبر معاه
خالد : ابي اعرف اسمك يؤؤ لايكون زوجتي طرماء
دلال: ضحكت بصوت خفيف وقالت دلال
ومسك ايدها خالد ورفع شعرها عن وجها وقال لها تغيرتي عن يوم الخطبه شعرك طال ونحفتي
الا شوي وصوت الباب يطق
خالد: وييه هاذا وقته مامدانا جلسنا
ام خالد : هاه يمه خلصتوا
خالد : ايه يمه
ابو دلال: خالد يالله يمه
خالد: ايه يالله
ام خالد : اقول ام دلال عطيني رقم دلال
ام دلال: والله مو حافظته ملاك روحي جيبيه
سجلت ملاك الرقم وعطته ام خالد
ام خالد : عاد مو تشوف رقم غريب دلال ولاترد عليه نهايه رقم خالد 90
ام دلال: خلاص بخبرها
ام خالد:يالله اجل مع السلامه
ام دلال: مع السلامه
عبير: دلاااااااااال يالله نزلي خلاص راحوا
سامي : فيه ظرف بالديوانيه لدلال هذا مهرها
ام دلال: وين ابوك
سامي: جالس بالديوانيه والسكر عنده منخفض ولايدري شنو قال
ام دلال: امبيه طول الوقت وليه ما خبرتني كان عطيته حلى توك الحين جاي تتكلم
بسرعه ام دلال راحت المطبخ وسوت عصير وحطت عليه كم ملعقه سكر
وراحت وشربته العصير
بعد 10 دقايق صحح وقال انا لازم امشي عندي شغل بالمكتب يالله يمه دلال مبروك
وطلع للشغل
اخذت ام دلال الظرف وبطلته وقامت تعد بالفلوس وانصدمت بعدها
دلال: يمه اشفيتج ،، كم المهر ؟
ام دلال: تخيلي كم ، 35 الف بس
دلال: يؤؤ يمه اتأكدي عديها شنو هذا شنوا سوي ب35
سامي: اصلا اهم جابوا 45 بس بابا شال منها 15 وقال مساعده
ام دلال: أي مساعده هاذي يساعد ب15 اكيد استجن
سامي: ايه لان السكر عنده منخفض ولايدري شنو سوا
ام دلال: وانت ليه ساكت ليه مو في وقتها عطيتني خبر
ياكوثر عطيني التلفون
ودقت ع ابو دلال : الووو
ابو دلال: ايووه
ام دلال انت تدري شنو سويت
ابو دلال: شنو ؟
ام دلال: انتش لون تساعدهم 15
ابو دلال: انا ساعدتهم ب5 بس
ام دلال: لا ساعدتهم 15 وبعدين المفروض ماترجع ولاريال لهم
يعني انت قلي شلون بنجهز لدلال للعرس
ابو دلال: يعني شنو المطلوب مني الحين
ام دلال: تدق عليهم وتقول يردون الفلوس
ابو دلال: شلون تبيني ادق ع الرجال خلاص انا قلت كلمه ما اقدر ارد بكلامي
ام دلال: اذا انت مو مكلمهم انا بكلمهم
ابو دلال: تبين تكلمين انتي كيفك بس انا ما اقدر
ام دلال: خلاص قفل انا راح اكلمهم الحين
دلال: هاه شنو قال بابا
ام دلال: يقول ما راح يكلمهم
ملاك : انزين كلميهم يالله
ودقت ام دلال ع ام خالد
ام خالد : شنو تبون 15
ام دلال: أي والله ترى زوجي كان مغمى عليه ولا كان حاس بعمره
ام خالد : بس اهو اللي رد الفلوس
ام دلال: ادري بس اهو اذا انخفض السكر عنده ما يتذكر شنو سوا
ام خالد: خير ان شاء الله ، مع السلامه
كوثر: هاه ماما شنو صار
ام دلال: قالت خلاص
ملاك : بصراحه ما يستحون شنو 45 هاذي شنو تسوي حق الكوشه ولاالفستان ولاالمسكه
اصلا اذا جينا بنشتري لها الذهب بكبره بـ 45 والملابس شلون
ام دلال: احنا ما حددنا لهم مهر ع اساس عشرة عمر وبصراح هانا استحيت احدد لهم وبعدين انا اتوقعت الذهب كامل اهم يشترونه وفوقه 45 يعني زي زواجك ياملاك
ملاك: بس ياماما في زواجي احنا شارطين
ام دلال: ادري بعدين انا قلت اكيد بتعطينا 90 او 100
لانها راح تزوج بنتها وهي عارفه
دلال: افففففففف شنو هاذا
شوي وجوال دلال يجيها مسج
قامت دلال تبطل المسج لقت رساله من خالد
دلال: ماما هذا خالد راسل رساله ، نفسي اقوله انتوا ومهركم
ام دلال: لا يابنت بلا قلة ادب
دلال: اشفيتج امزح
عهود : خلاص لاتتكلمون بالموضوع الموقف صار وخلاص
دلال: امانه ملاك بسرعه جيبي التصوير خليني اشوفه ههههههههههه
وفي اليوم التالي
جرس الباب
طلع سامي للباب شاف خالد ومعاه ظرف فيه 15 رجعوها ولازادوا ولاريال مصيبه
ومن اول ما اخذ رقمها وجوال دلال ما سكت رسايل ومكالمات
ما خلاها تدرس واذا جات بتنام يدق عليها وخذيها سوالف
وعبير وعهود يخزون فيها
طبعا ملاك دفعت حق دلال 20 الف من حسابها الخاص لمساعدتها في التجهيز
وكانت ملاك وام دلال كل يوم في السوق للتجهيز
ودلال يعني نادر ما كانت تطلع وياهم بس طلعت وياهم في اختيار فستان الوراج والزفه والكوشه
قبل الزواج باسبوعين ارسل بوخالد حق بو دلال
كروت الزواج ارسل له 200 كرت تقريبا
ام دلال: شنو 200 بس معازيمنا واجد وبعدين صديقات دلال
بو دلال: معليه مشيها لهم مانبي نعطل الزواج
دلال: الووو
خالد: هلا بوردتي
دلال: اقول خالد انتوا كاتبين بالكرت ممنوع اصطحاب الاطفال
وهذا شي عادي بس جدي شنو اللي يفهمه اهو يوم درى سوا سالفه وقال شلون تمنعون اطفالنا من انهم يحضرون ويستانسون انا ما قدرت ارد عليه لانه شخص كبير
خالد : ادري وفاهم عليتج طيب خلاص كتبيلي كم من اقاربك معاهم اطفالهم وانا راح ادخلهم وشنو بعد بخاطرتج
دلال: لابس مشكور خالد
خالد : اهم شي ماتكونين زعلانه
وبعد كم ساعه ، جد دلال يتصل بام دلال ( ابوام دلال)
جد دلال: انا اخوك قالي كاتبين بالبطاقه ممنوع اصطحاب الاطفال وانا قلت حق خوالها وخالاتها ما يروحون الزواج الا اذا قالوا تجون باطفالكم
ام دلال: بس يا بابا خلاص الناس ما قامت تاخذ عيالها وياهم بالزواجات
جد دلال : اجل ويت تبينا نحطهم
ام دلال: بالبيت مع الشغاله وواحد من الاهل يتبرع يجلس وياهم
جد دلال: لا لو شنو يصير اولادنا يروحون مع اهاليهم للزواج << راسه يابس وكبير بالسن
ام دلال: خلاص ولاتزعل انا راح اكلم ام خالد وقولها
جد دلال: كلميها الحين ورديلي خبر
ام دلال: ايه الحين مع السلامه
دلال: بس ياماما انا كلمت خالد وقالي راح يدخل خوالي وخالاتي
هذا كلام العروس والعروس ما يقدر يسوي شي يوم الزواج
يعني انتي ماتعرفين جدك لازم بوخالد يدري وهم ابوك
ام دلال اتصلت بام خالد : مرحبا ام اخالد
ام خالد : هلا
وام دلال قالت حق ام خالد السالفه بان تبيها تدخا اهلها بس لان اذا ما وافقوا اهل البنت ماراح يجون لان كلمة جدها اهي اللي تمشي
ام خالد : لاحبيبتي مانبي ولابزر بالزواج حتى اولادي انا اصلا ما راح اجيبهم بخليهم ويا الشغاله
ام دلال: انا افاهمه بس انا خايفه يجي جدي الزواج ويسوي سالفه عند الباب وانا مابي الزواج يخرب
ام خالد : انا قلت لا ولا طفل يكون موجود بالصاله
ام دلال: خلاص اوكي مع السلامه
ام دلال والله ما تستحي هاذي ماتقدر صداقتنا انا فاهمه عليها بس هذا انسان كبير شلون نفهمه ولا وتقول مانبي اطفال بعدين بيكسرون الكوشه كانها اهي اللي مسويتها
دلال: يعني شنو خوالي وخالاتي ماراح يجون بزواجي
ام دلال: والله ع حسب جدك شنو يقولهم
بعدها ابو دلال كلم بوخالد وقاله الاطفال راح يدخلون بالقوه
بعدها دق ع ابو ام دلال ك وقاله خلاص ياليت تحضر زواج حفيدتك دلال
والاطفال اا تبي تجيبهم عاادي
جد دلال: ايه هذا الكلام العدل
وفي يوم الزواج
خالد: دلال اكلي اليوم 7 تمرات واقري الاذكار
دلال: ان شاء الله هم انت بعد يالله تبي شي لاني راح اقفل جوالي
خالد: لا سلامتك يالله مع السلامه
في الكوافيره
ملاك : وين دلال الى الحين مابديتوا فيها روحي عهود ناديها
عهود : قاعده تاخذ ابره السكر مالتها وتجي
عبير: بنات تسريحه شعري عدله
كوثر : ايه حلوه بس خليها تكرب التاج لتج عدل
الكوفيره ك فين العروسه بدنا نبلش فيها
دلال: يالله كاني جيت
ملاك بالجوال حق زوجها : الوو بغيت تجيب المسكه مالت دلال
احنا حجزناها باسم سامي
زوج ملاك : يالله انا رايح اجيبها
دلال: بنااااات تعالوا شوفوا مكياجي عدل
ملاك : ايه بس خليها تعدل لتج الكحل لانه نازل شوي
بعد مالبست دلال فستانها وقاعد تناظر عمرها بالمرايه قامت تقول يالله ماتوقعت شكلي بصير تجذيه
ملاك : يالله مسكي المبخره وتبخري
دلال: ابي اقول لكم شي
ملاك وعبير: شنو
دلال: ابي الحمام ههههههههههههههه
ملاك : الحين هذا وقته خليتج ماسكته بعدين
دلال: شو بعدين لاوالله خلاص ما اقدر
عبير : يالله فصخي الثوب ودخلي بسرعه مافي وقت وانتبهي حق تسريحتج
في صاله الزواج
وفي غرفه العروسه ملاك : يؤؤؤ نسيت الاكسوار مالي بالبيت يالله
ام دلال: مو لازم الاكسوار
ملاك : لا لازم وبسرعه دقت ع السواق ورجعت للبيت واخذت اكسوارها ورجعت للصاله
المصوره: يالله يادلال ناخذلك صور ابتسمي كمان
وجا وقت زفه الرجال نزف خالد ع ابيات شعر ودش ويا هابوه وابو دلال
بعدها مشى وجاء وقت زفه دلال
ام خالد بغرفه العروسه : اقول لازم تزفونها دلال
ام دلال: هو ايه لازم شلون مو لازم
ام خالد : لان خالد ينتظر برا بالسياره
ام دلال: وذا بس انا زافه بنتي زافتها يالله دلال امشي
ونزفت دلال ع زفه محمد عبده واصاله
ورقصوا خواتها وخالاتها ع المسرح ودش اخوها سامي ورقص وياها
وشوي بعد غنيتين جات ام خالد حق ام دلال: يالله خلاص خالد ينتظر
بعد 4 اغاني طلعت دلال من الصاله وركبت السياره ومن الصاله للفندق
وبالسياره وراهم ام دلال وخالها
يتبع <<
دخل خالها شنطه دلال بالغرف هوامها شالت منها العبايه ورتبت فستانها وطلعوا
وبعدها دخلت المصوره تاخذ لهم صور لان بالصاله ماقدرت تاخذ صور لهم لان ام خالد كانت مستعجله
خذت المصوره الصور وبعدها تعشوا وناموا
وفي اليوم الثاني كان فيه عشاء جات دلال لبيت اهلها لبست وملاك حطت لها المكياج
ومرت الايام والايام ودلال باقي تكمل دراستها بالجامعه
وخالد بشغله يبتدي من 7 الصبح وينتهي دوامه 4 العصر
دلال: ترد من الجامعه ع الشقه الساعه 2 الظهر بعدها تسوي الغداء وتخلص ع الساعه 3 ونص بعدها تتروش وتبدأتذاكر الى ما يجي خالد
بعدها تجلس وياه الى ما يجي وقت النوم
طبعا خالد كان دايم يلبس غتره بيضاء وكانت دلال تقوله البس شماغ احمر لانه احلى عليك
وفي ايام الاختبارات خالد قال حق دلال ماتدش المطبخ موليه وتنتبه حق دروسها
والغدا والعشاء يجيبه من المطعم وكل شوي جاي ومسوي لها شاي او كوفي
ومرت السنه ونجحت دلال والكل ستانس وفرح لها
بعد مرور 6 شهور من الزواج خالد يصدم دلال بانه راح يسافر لسوريا وطبعا لحاله
دلال انصدمت وقالت ليه ما اروح وياك
خالد: مايصير اللي فيهم السكر مايركبون الطياره
زعلت دلال ودشت الغرفه قام يراضيها وان السفره بس شباب وهي سفره عمل
وكلها اسبوعين ويرجع
دلال انزين قبل ماتروح صلح وياك لمبه الحمام صارلها اسبوعين مو شغاله ولا صلحتها
مو لازم خلي الباب مفتوح او استخدمي الحمام الثاني
انزين جيب عامل ينظف الحوش كله رمل
اذا رجعت يصير خير
دلال: بس اخاف احد يجي ويمر البيت والحوش مو نظيف خلاص بنظفه انا
خالد: لا لاتطلعين برا بعدها يشوفونتج الجيران خليه لين ما ارجع
راحت دلال حق بيت اهلها وهو راح سفرته وقامت دلال تشتكي حق امها
راحت امها مع السايق لبيتها ومعاها الخادمه وقعدت تنظف البيت والحوش ونظفوا البيت كامل رجع خالد من سفرته وباقي دلال شايله بخاطرها منه مرت سنه ع زواجهم
وكل شوي ام خالد مارتهم بالبيت تقريبا بشكل يومي حتى خالد (ولدها) انزعج من هالشي بس انه ما صارح دلال تدق امه ع الجوال مايرد عليها تجيل لشقه وتدق ع الباب ما يفتح لها
واليوم اللي بعده دق عليها خالد وقالت له انها مرت عليهم امس بس ما احد رد عليها جاوبها خالد بانهم كانوا نايمين بعدها قالت ابيكم تتعشون اليوم عندنا
خالد قال ان شاء الله
راحوا للعشاء واخذ ت ام خالد تسأل خالد زوجتك دلال ما حملت الا الحين
ناقص عليكم فلوس ولاشي
جاوبها خالد حملت مره بس سقطت ماكمل شهر
واخذت تمر الايام والاسابيع وباقي دلال تقول حق خالد بتصليح لمبه الحمام وتنظيف الحوش
والزبايل مالت البيت مكومه عند الباب مايشيلها ويرميها الا ما صارت كومه من الزبايل يعني لو احد يدش البيت يشم ريحه الزبايل من اول مايدش والعذر بانه تعبان وفيه ربو ويأجلها كل يوم ، وفي ايام الاختبارات اخر سنه لدلال كان ناقص لها كم محاضره وطلبت من خالد انه يوصلها حق زميلتها تصور منها وطبعا كانت الاجابه بالرفض وذلك بسبب تعبه ومرضه الربو.
اتصلت دلال بامها وقالت لها خلي السايق يمر خويتي وبعدها يرسل الورق للبيت بس بعد ما يطلع خالد من البيت ارسلت ام دلال السايق وجاب لها الاوراق
طبعا في كل ايام هالسنتين من يوم ما تزوجوا وام خالد مارفعت السماعه وكلمت ام دلال
وفي يوم كانت دلال عند اهله وتعب خالد واغمى عليه وتصلب جسمه استغربت دلال
اخت خالد خذت دلال للغرفه وقالت لها جلسي هنيه وبعد نص ساعه قالوا لها تقدرين تطلعين
دلال سألت اخت خالد شنو فيه خالد جاوبتها اخت خالد وبكل برووووود عادي مافيه شي بس فيه (زار) في هاللحظه انصدمت دلال وكان يبي يغمى عليها كيف؟ ومتى؟ وليه وشلون؟ وليه؟ ما قالوا لي يوم جاوا يخطبون كل هالاسئله دارت براس دلال في ذيك اللحظه
طبعا دلال كانت خايفه اول ماطلعت من الغرفه ما جلست يمه ويوم رجعت للشقه وراحوا ينامون طول الوقت وهي ع السرير كانت تفكر اليوم اللي بعده وداها خالد تزور اهلها وقالت دلال حق امها ان خالد فيه زار ولقت بجيبه ولاعه وريحه سيارته دخان
ام دلال فيه زار ولا قالوا لنا هذا يعتبر غش شنو هذا
دلال ايه ادري انا الحين شنو اسوي ام دلال: عادي صبري وصلي وادعي ربتج
ومرت الايام والاسابيع ولمبه باقي معطله وكومه الزباله موجوده <<مدري متى بصير بصحه
وفي رمضان لازم يفطرون عند اهل خالد في الاسبوع مرتين وفي يوم من الايام قالت دلال حق خالد راح تجلس عندهم وع الساعه 12 بخلي سامي يمرني واروح حق هلي وافق خالد
ويوم جات الساعه 12 دقت دلال ع سامي وقالت له يجي (طبعا خالد بالدوام) ام خالد سألتها قالت لها وين رايحه جاوبتها دلال لبيت اهلي قالت لها ام خالد قعدي عندنا وتسحري
دلال: خليها يوم ثاني ، ام خالد : بعدين انتي كل يوم عند اهلك تروحين شنو هذا
دلال: ردت عليها بابتسامه ولم ترد باي كلمه
وفي اليوم الثاني مر خالد حق دلال وقالها ليه طلعتي من بيت هلي امس لان امي قالتلي
دلال: شنو فيها انا عطيتك خبر وانت وافقت ، خالد: ادري بس المفروض يوم امي تقول جلسي تجلسين احتراما لها يعني
وكالعاده لم يكن من دلال سوى الصمت والالم في داخلها وفي اليوم التالي تعبت دلال وشعرت بالغثيان واخذت تنزف عندها ايقظت خالد لكي يذهب بها الى المشفى
وماكان منه سوى خير ان شاء الله انتي نامي وبكره اذا زادت الحاله اوديتج المشفى << البنت تنزف وهذا يقول اذا زادت الحاله
اليوم الثاني كان عند دلال نزيف بس بشكل اقل بس خالد وصل دلال حق اهلها وهو راح حق دوامه ع اساس دلال تروح ويا امها
ام دلال عصبت حيل عشان بنتها كان عندها نزيف ومن امس وفيها السكر ولا خذاها حق المشفى
راحت دلال ويا امها المشفى وخذت العلاج وهم راجعين بالطريق اتصل عليها يتطمن وقالت له انا راجعه الحين وخذيت الادويه وجلست دلال عند اهلها يومين الى ماتحسنت حالتها وردت للبيت وطبعا وفي هالايام ام خالد كل شوي تسأل ولدها اذا دلال حملت اولا
بعد مانجحت دلال من السنه الاخيره وذاك كان في نهايه ايام رمضان وذلك بعد مرور سنتين من زواجهم طلب خالد من دلال من انهم ينقلون من شقتهم الى بيت اهله وافقت دلال ع انهم راح يبنون شقه لها في الطابق الفوقي ولكن جاوبها خالد لا بل راح يجلسون بغرفه لهم خاصه بالطابق الثاني ومن ع يمينهم بالغرفه غرفه اخته ومن ع يسارهم بالغرفه غرفه اخوه عامر
جاوبت دلال ع طوول بالرفض ومافيه حريه او خصوصيه وراح تمل بجلستها بالغرفه وسألت دلال خالد عن سبب النقل وجاوبها بسبب عدم مقدرته من دفع آجار الشقه قالت له دلال انا تخرجت الحين وراح اشتغل وراح اساعدك باجار الشقه بس خالد كان مصمم ع رايه بالنقل وهم دلال كانت مصممه ع رايها بعدم النقل بعدها قالها خالد كلها 5 شهور ونطلع لنا بيت استغربت دلال وقالت شنو تقدر تسوي بالخمس شهور ولا شي وقعدت دلال تفكر بالموضوع بان خالد كسوول وهو شخص بيتوتي ويعتمد ع امه في اغلب الامور وخافت اذا وافقت تسكن مع اهله ماراح تطلع منه نهائيا شاورت دلال امها وردت عليها انتي كيف معامله اهل زوجك اذا كانوا طيبين وافقي والله بسهل بس دلال قالت لا ام خالد تقط كلام لي وبناتها يتحرشون فيني ومو مخليني بحالي ابد
يا ماما تخيلي بنتها تقول لي يادلال قومي صبي لنا شاي شنو كل هذا يعني عروسه وانا صارلي من زواجي 3 اسابيع بس بعدين بنتها مالها كلام معي وانا اا بخدم بخدم ام زوجي وابوه لو شنو يصير ماراح اوافق ع النقل طبعا ابو دلال عرف بالموضوع ويوم جا خالد عند اهل دلال فاتح ابو دلال بالموضوع ويا خالد هنا خالد تضايق ليه ابو دلال يعرف بالموضوع وقال حق دلال ليه تطلعين اسرار بيتنا قالت دلال هذا مو سر هذا الكل راح يعرفه اذا نقلنا وبعدين انا مابي انقل قال ابو دلا حق خالد شرايك اساعدك بالمبلغ اللي تبي طبعا خالد رفض المساعده الماليه وعطاه ابو دلال اقتراح ىخر ان يسكنون في احد شقق والد دلال وايضا جاوب خالد بالرفض وقال حق سامي سولي درب ابي اطلع وقام من المجلس وترك بو دلال وهوكان يكلمه ارتفع السكر عند ابو دلال وعصب وشلون هذا يقوم وانا اتكلم وتركني وخلاني هذا رجال كلش ماعنده حيا بعدها سأل ابو دلال دلال اذا كانت تبي تسكن عندهم وقالها ابي جواب نهائي وطبعا دلال رفضت وطلع ابوها من البيت وهو معصب بعد يومين مر خالد ع بيت دلال وارسل ملابسها بسبه انه زعل منها لانها طلعت اسرار البيت ويوم كان خالد عند الباب قال بودلال حق سامي انه يخلي خالد يدخل يبي يكلمه وقاله سامي وقال خالد طيب بس خلني انزل الاغراض وبعد مانزلها ركب السياره ومشى وراح سامي قال حق ابوه وهنا ابو دلال عصب حده هذا شنو مايحترم الشخص الكبير اكيد هذا مجنون ولا راسل الملابس
قال ابو دلال حق دلال اذا دق عليتج لاتردين عليه اذا يبي شي خليه يجيني او يكلمني نتفاهم احنا مع بعض من رجال لرجال
مر كم يوم وراحت دلال للكوفيره وقصت شعرها (بووي) قالت عشان اذا جا خالد ياخذني يشوف شكلي متغير وبعدين هو ذبحني كل شوي يقولي قصي شعرك قصي شعرك
وفي اليوم الثالث قبل اذان المغرب ويوم كانت كوثر تجهز حق الفطور دق جوال دلال وطبعا اللي داق خالد دلال ماردت عليه وكانت تبي ترسله مسج اذا يبي شي يتفاهم مع ابوها بس عبير قالت لها خليه بعد الفطور عشان ياكل وماينصدم حرام وبعدها تنسد نفسه
بعد الفطور وبعد الصلاه ارسلت دلال المسج كاتبه فيه ( خالد لاتدق علي اذا كنت تبي تتفاهم دق ع ابوي مثل ما ارسلت ملابسي عند الباب عند ابوي اذا تبي شي كلم ابوي )
وبعد ما ارسلت المسج بعشر دقايق وكانت تلعب بشعرها وتناظر بالقصه وتدخل اصابعها بشعرها رد خالد عليها بمسج ماسكه الجوال وهي تبتسم بس هالابتسامه ماطولت ع وجها وباسرع ماتتوقعون صار وجه دلال اسود ياترى شنو راد عليها خالد هذا السؤال اللي تراود ع خواتها وام دلال وقالولها شنو دلال قالت خالد ((طلقني )) خالد طلقني بمسج
بعدها جات لحظه هدوء عم البيت عشر ثواني بعدها ام دلال قعدت تزغرط وقالت صدق احسن جات من الله انتي شنو تبين فيه واحد تعبان ومافيه شده يقوم بنفسه وتدريجيا دلال طلعت يدها من شعرها ، راحت عبيردقت ع ملاك وبسرعه قالت لها الخبر وملاك طبعا ماصدقت قالت شنو تقولين مو وقت مزح وعبيرر قعدت بالسماعه تحلف والله والله بعدها قفلت من ملاك
ارسلت دلال مسج خالد حق ابوها اللي كان كاتب فيه ( انا ما قصرت معاك وسويت اللي علي دلال انتي طالق )
رد بو دلال عليها بمسج ( رسالتك وصلتني ويصير خير)
وهنا ام دلال لبست عبايتها وخذت المفتاح حق شقه بيتها وع طوول راحت ويا السايق وخذت كل ملابس دلال وكل الصور وهم البراويز اللي اشترتهم دلال بفلوسها خذتها وخذت جهاز الكمبيوتر والحماصه وكل شي دلال شاريته بحسابها الخاص << وطبعا الشقه فضت لان دلال تقريبا مأثثه الشقه
بعد اسبوع من طلاقها طبعا جاء العيد
ام دلال لبست دلال من احسن مايكون وابو دلال سواء لها عشاء وحفله لان خالد طلق بنته
اليوم الثاني من العشاء دق خالد حق بو دلال وقال يبي يكلم دلال قاله بو دلال بس دلال ماتبي تكلمك قال خالد طيب ابي اسمعها منها قال بودلال بالاول انا بكلمها واقولها ترد عليك
بعدها انت دق ،طبعا دلال كانت عند خالاتها في الديره اتصل خالد ع دلال وكانت دلال ماسكه الجوال وسرحانه الين ماام دلال قالت ردي عليه شوفي شنو يبي ردت دلال عليه وكانت اول كلمه بـــ نعم ؛ خالد : شلونك دلال؟
دلال: الحمدلله بصوت مرتفع وجاف ، خالد : يادلال انا داق عليتج ابي نفتح صفحه جديده
دلال: شو صفحه جديد هانت خليت اصلا صفحات ، خالد : يادلال بطلي الباب انا عند الباب عشان نتفاهم
دلال: انا مو بالبيت انا بالديره ، خالد : خلاص اجيك الحين مسافه الطريق
دلال: لا تعب حالك لاتجي لاني ماراح استقبلك ، خالد: ليه يادلال انتي تعرفين اني احبتج وانتي عارفه هالشي يادلال شوفيها اذا جلستي كم شهر ونرجع في بيت لنا واذا كنتي ماتبين خلاص نرجع للشقه بس انتي رجعي لي واول ماترجعين راح نسافر بس انتي قولي وين تبين أي بلده تخيريها ، يادلال انا احبتج امووت فيتج لاتنسين الايام اللي قضيناها ويا بعض الحلوه والمره .
دلال: انا انسى ولا انت اللي نسيت ولاتكرت ولا لحظه منها ولافكرت ع طوول تطلقني وبمسج ياخالد تدري انا قصيت شعري عشانك انت بس قلت اذا رجعت تصالحني تشوف شعري قصيته لك ، سكت خالد لثواني بعدها قال بس يادلال انا ( شاريتج وابيتج ) دلال: خالد لاتحاول خلاص انا مابيك انت جرحتني جرح عمره ماراح يبرى لو شنو تسوي هانت عليك الايام خالد : ادري عشان تجذيه انا ابي ارجعتج لي وللي تبينه بصير انا طلقتج بمسج كانت لحظه غضب جاتني انتج تقوليلي لاتدق علي ودق ع ابوي انا هنيه عصبت زوجتي تقولي لاتدق علي عشان تجذيه ارسلت لحظه غضب جاتني
دلال: لحظه غضب وطلقتني اجل لو زعلتك بشي قووي شنو بتسوي فيني ، خالد لا تحاول رجعه ماراح ارجع لك
خالد: يعني خلاص يادلال ، دلال : ايه وما اقول غير حسبنا الله ونعم الوكيل ع من كان السبب
خالد : طيب والله يادلال راح اعلقتج الين يوم القيامه << نقلب الرجال
دلال: ايه طلعت ع حقيقتك ياخالد وانا الحمدلله عادي الف واحد يتمناني وقفلت الخط
وناامت دلال بعد المكالمه وكانت تتمنى ماتصحى بعدها وبعد اسبوع وصل حق بو دلال من المحكمه استدعاء بيت الطاعه ويم راحت دلال وابو دلال كانت دلال لابسه عبايه ع الراس وقفازات وشراب سوداء وعيونها مغطيتها يعني مو باين منها ولاشي سأل الشيخ حق خالد بان هل هي زوجتك ولا لا ناظر خالد فيها وقال ان شاء الله هي ودلال من داخل نفسها قاعده تضحك بدأ خالد وقال حق الشيخ بان بو دلال رفض انه يقابل دلال ويتكلم معاها عشان تجذيه اهو استدعاه بالمحكمه هنا بغت عيون دلال تطلع وع طوول قالت لا بالعكس ابوي اللي كان يقوله تعال عشان نتفاهم وهو اللي رافض وطلع من البيت سأل الشيخ خالد شنو سبب الخلاف جاوبه خالد ع السكن انا قتلها مؤقت وبنطاع لنا بيت مستقل ، دلال: بس انا لي حق ارفض لانه شرط من شروطي . قال الشيخ خلاص انتوا اجلسوا الحين مع بعض وتكلموا بعدها بناديكم . دلال : بس انا مابي اجلس وياه . خالد : يادلال بس دقايق . دلال : ولا دقيقه
الشيخ : يابنتي ان ابغض الحلال الطلاق
دلال: قول حق خالد هالكلام اللي مطلقني بالجوال ، الشيخ صحيح اللي تقوله زوجتك
يتبع <<
خالد: ايه صج بس كنت في حاله غضب ، دلال : وانا الحين في حاله غضب ولا ابي ارجع لك هنا ضحك الشيخ عجبته السالفه كنت في حاله غضب .
الشيخ : خلاص راح اشوف موضوعكم وفيه جلسه ثانيه بعد اسبوع . خالد : اذا بطلقها ابيها ترجع لي نص المهر اللي دفعته << وبعدين مع النذاله بهالرجال
الشيخ : الحكم في الجلسه الثانيه . رجعت دلال للبيت وقالت حق امها وخواتها شنو اللي صار وام دلال تنرفزت يوم درت انه يطلب فلووس قالت صج مايستحي يعني اهو غلطان ويتشرط بس حسافه حسافه بالصحبه اللي بيني وبين امه طوول هالسنييين
مايستاهلووون ابد اللي سويناه معاهم بس الحين بانوا ع اصلهم وحقيقتهم
بودلال : اللي يبي بنعطيه ان شاء الله المهر كامل واذا يبي فوقه بعد بس يفكنا هو وجهه
طبعا كل هالسالفه اللي صارت وبوخالد وام خالد مالهم أي حس او خبر لانهم عارفين ولدهم غلطان ولا دقوا تلفون او انهم يبون يتصالحون .
وفي الجلسه الثانيه امر الشيخ خالد بانه يطلق دلال التطليقه الثانيه ولا له حق انه ياخذ ولا ريال بما انه هو اللي مطلق وهنا دلال في حفله ورقص في داخلها وبو دلال استانس وام دلال يوم درت قالت انا عرفت ليه اهو مسوي استدعاء مايبي يرجعتج انا شاكه انه يبي الفلوس وبس صج مايستحي الحين يقول ابيتج بعدها يقول عطيني فلوس .
ومرت الايام ووالاسابيع والشهور وجاء خبر لام دلال من الجيران بان خالد راح يتزوج وما صار طلاقه من دلال غير شهرين بس
يتبع <<
طبعا دلال عرفت الخبر وعرفت بياخذ وحده من جماعتهم كانت شايفتها من قبل
وطبعا دلال انخطبت لشخصين بس ماوافقت عليهم
تزوج خالد وطبعا سكن مع زوجته الثانيه في الغرفه اللي في بيت اهله وصار ع زواجه يمكن 6 شهور بعدها زوجته حملت
ودلال توظفت بس كانت دلال كل ماترجع من الوظيفه لازم يمرون ع بيتهم وتتذكر الايام
وكانت بعض الاحيان تشوفه بالسياره ولابس الشماغ الاحمر وبقيا على هذا الحال .
لا تقول ان الليالي فرقتنا
لا تقول ظروفنا عيت علينا
الليالي يوم ودك جمعتنا
يوم ودك كل شي في يدينا
(النهايه )
http://www.arabiclenses.com/uploaded/4731_1176176690.jpg
وما تزال تلك الارجوحه تتأرجح
من تلك الرياح ..
دلال.