السلام عليكم ورحمة الله وبركاته


هلا بك المزيونه بكرسي الاعتراف :afgh:

يلا يلا ياشباب ويابنات المزيونه معكم بالكرسي

مثل الشروط اللى في كرسي الاعتراف اللى قبل
بامكان كل عضوو يسال او يطلب تصوير اى شي من المزيونه
عدد الاسئله في كل مرة 5 اسئله وكل مرة تسال 5 اسئله او اقل

اتمنى التفاعل من الجميع

سلامى لكم

يؤ يؤ يافرحتى بنت في كرسي الاعتراف
ونااااااااااسه انواع الاسئله والاحراجات والطلبات <<< ممكن سفري

يلا وينك مزيونة اول سؤال ودى اسئله طلب
ابيك تصورين دولابك ؟؟

وبعد ابيك تصورين احلى شي عندك وتحبينه ؟؟

واذا تحبين الدببه احلى دب عندك تصورينه واذا مسميته قولى لى اسمه؟؟

سلامىلك يالغلا
تراى نشبه الله يعينك

الا المزيونه من جد ايش اسمك؟؟
كم عمرك؟؟
تدرسين ولامتوظفه ولا عاطله؟؟

سلامى لك يالغلا ترى برجع منى مطوله

هلا وغلا فيك كلي انوثه الله كل هالترحيب لي بس حكرتيني احس بالطلبات

المشكله اني في بيت خالتووو حالياً ومطوله عندهم لك علي اذا رجعت للبيت صورت كل طلباتك وترى انا اموت بالدبب ياكثرهم عندي
بالنسبه لأاسمي سر مااعلم ههههه تبين اعلمك على الخاص مافي مشكله اسمي المزيونه
ادرس معهد نيوهورايزن وانشاءالله هالسنه بدخل الجامعه انشاءالله

يؤ جيتى حياااااك والله متى بترجعين من بيت خالتك؟؟

علشان اطلب :hgj:

ياهلا والله بالمزيونه
منوره الكرسي وربي

كلي خليها تاخذ نفس
روقي المزيونه
وخذيلك هذا
V

V

V

http://www.hawkinsspeedshop.com/categories/products/images/NOS-08101%20Ford%204.6L%20System.jpg

ههههههههههههههههههههههههههههههههههههههههههههههههه
خوذي نفس
هههههههههههههههههه

ضحكنا شوي عاد
وحنا راح ناخذ الكرسي كله ضحك والا ايه :la:

السؤال الاول :
المزيونه
من هي المزيونه ؟؟
تكلمي عن نفسك بحريه ؟؟؟
ماذا تحبين ؟؟ وماذا تكرهين ؟؟ شرابك المفضل ؟؟؟ اكلتك المفضله ؟؟؟ و .. و ..
كل شي عنك وباختصار
مابي اثقل عليك

السؤال الثاني :
ابكتب بعض الاماكن
وقولي لي ماذا تعني لك

المنتدى ؟؟

البيت ؟؟

غرفتك ؟؟

السوق ؟؟

الكورنيش ؟؟

معهد نيوهورايزن ؟؟

بيت خالتك ؟؟

وانتظر اجاباتك على اسئلتي
واسئلة كلي
والله لا انشف ريقك
هههههههههههههههههههههههههههههههههههههههههه

برب وراجع
خلي الباب مفتوح على قولت كلي
هههههههههههههههههههههههههههه

تحياتي :w9:
.

http://up.x333x.com/uploads/a51f646774.gif
يا هلا والله بالمزيونه
منورهـ طبعاَ جايبه لك ـأسئله خفيفه



كبدايه فقط <.. يعني لا تظنين ـأن هذا كل الي عندي http://www.w7eeid.com/vb/images/smilies/biggrin.gif


واتفضلي الموكاا عشان تروقين على ـأسئلتي http://www.w7eeid.com/vb/images/smilies/biggrin.gif


http://www.7c7.com/vb/imgcache/1175002119_0hs01830.jpg




وتفضل هالاسئله
:


ماهو هدفك في الحيااة؟وماهي حكمتك في الحياه؟



بطاقتك الشخصيه .. ما ابغى ـأحدد ـأنت ـأحكي عن نفسك
من هو شاعرك المفضل؟
تخيل ان كل العالم ساكتين وجالسين ينتظرون منك كلمه (وش راح تكون كلمتك )؟
ماهو نوع عطرك المفضل؟
من هو الشخص الي تلجاء له وقت المحنه او الضيق ؟

لي باك ^_^

وينك يالمزيونه وينك ماتجاوبين :evil2:

هدى هدى لاتتهورين ياكلى تراها بنوته وتخاف وتصيح

الا ماقلتى لى متى اخر مرة بكيتى وعلى ايش ؟؟؟

هل المزيونه تبكى كثير؟؟
من اغلى اشخاص على قلبها غير والدينها واهلها؟؟؟
انتى حساسه ولا لا ؟؟
تتحسسين من اى شخص؟؟

سلامى لك ولى رجعه

يالله حي مزيووونه اسفررت وانوررررررررررررت واستهلت وامطرررت
يالله دامك ضيفه بنكرررررررررررمك
وبنشررررررررررربك اطلق شاي عزوبي وروقي عليه
والكاسه الثانيه لكي أنوثه
http://www.wz63.com/up/uploads/9bfb651d92.jpg (http://www.wz63.com/up)

مزيونه سؤال يبطح نفسسسسسه
<<متحمسس
لو




لو





لو








هذا









الشاب









الوسيم








http://www.wz63.com/up/uploads/5d47d3c5bd.gif (http://www.wz63.com/up)


تقدملك؟؟؟؟؟ توافقن والا ترفضين مع ذكر الاسباب

خالد منور يالغلااا خذ راحتك بالأسئله بس لاتحكرني بأسئلتك وتعال بأي وقت البيت بيتك والمحل محلك حياك كل يوم تعال


السؤال الاول :
المزيونه
من هي المزيونه ؟تكلمي عن نفسك بحريه ؟؟؟
المزيونه بنوته تحب الاستقرار والهدوء حنونه رومنسيه عطوفه تحب الأطفال مره لاني عنقوده والبنت الوحيده بين 5 اولاد احب امزح بعقل واضحك الناس انسانه خدوومه واحب الخير للكل اسعد قريباتي ولو على حساب تعاستي اكره الدلع الزايد دايم الناس تفكرني دلوعه لاني العنقود وهذا شي مو صحي واعتقد تكلمت عن نفسي بما يكفي
ماذا تحبين ؟؟احب كل شي حلووو وينحب يعني اهلي وناسي ودنيتي وكل
وماذا تكرهين ؟اكره كل شي كريهه وبغيض وبالذات الكذب مااطيق اللي يمشي ويكذب بكل وقت واكره شي عندي بالدنيا لما تصادق شخص وتعتبره اعز الناس عندك والوحيد اللي يفهمك وتنصدم منه بشي يجرح
؟ شرابك المفضل؟؟الموكا والفرابتشينو بارد
؟ اكلتك المفضله ؟؟
اكلتي المفضله المعكرونا بأنواعه واهمها الباستا واحب الورق عنب والبيتزا طبعاً شغل البيت مو مطاعم واحب الحلى


السؤال الثاني :
ابكتب بعض الاماكن
وقولي لي ماذا تعني لك

المنتدى ؟؟ المنتدى بيتي الثاني وافضل شي بالنت اسويه غير المسن والتفحيط بجوجل

البيت ؟؟ البيت مكان استقراري واحب مكان لي ارتاح فيه واحس بالأمان

غرفتك ؟؟ غرفتي احلى مكان بالبيت اجلس فيه واآخذ راحتي مع ان اخواني يزعجوني كل شي ناطين عندي بالغرفه بس احبها مره يسمونها غرفة المعاريس لانها جديده وكبيره حق متزوجين ياحبي لها
السوق ؟؟
السوق مااروح الا احيان لاني مااحب افرفر كثير يمكن اروح مع الاهل تمشيه عادي او باخذ لي شغله ترى اكره شي عندي التسوق..
الكورنيش ؟؟
والله احس انه المكان الواحد اللي الواحد يفضفض فيه ويطلع اللي بداخله مع اني مو من محبين الكورنيش كثير لانه يجيني صداع اذا رحت للبحر بس اذا كنت متضايقه اروح له
معهد نيوهورايزن ؟؟ ههههه مااقول الا انه هو المكان اللي اقابل فيها خوياتي واتعرف على صديقات جدد وهو مكان تضيع الوقت عندي بصراحه

بيت خالتك ؟؟ بيت خالتي احسن مكان اروح ارفه عن نفسي فيه بعد بيتنا مااروح غير بيت خالتي وبيت جدي

شيخــــــ البناات ـــــــــــــــة

http://www.raff3.com/uploads/picture/f82bb1e142.gif (http://www.raff3.com)


على الموكا الحلوووو

ماهو هدفك في الحيااة؟وماهي حكمتك في الحياه؟

هدفي اني اصير امرأة ناجحه بالحياة العلميه والعمليه والزوجيه ,, واصير تاجره وامرأة اعمال
حكمتي بالحياة اضحك يضحك العالم معك وابك تبك وحدك
احذر عدوك مرة وصديقك ألف مرة فإن انقلب الصديق فهو أعلم بالمضرة


بطاقتك الشخصيه .. ما ابغى ـأحدد ـأنت ـأحكي عن نفسك ؟؟
اممم حكيت عن نفسي من قبل واتمنى مااكون قصرت بشي واذا مقصره علميني يالغلاا
من هو شاعرك المفضل؟
حامد زيد فديته وخالد الفيصل
تخيل ان كل العالم ساكتين وجالسين ينتظرون منك كلمه (وش راح تكون كلمتك )؟
بقول ياحبي لكم بس ويازينكم ساكتين هههههه امزح بذكر الله اكيد وبقول إذا كان الكلام من فضه فالسكوت من ذهب
ماهو نوع عطرك المفضل؟
سينما من شانيل
من هو الشخص الي تلجاء له وقت المحنه او الضيق ؟
وقت الضيق والمحنه الجأ الى ربي لأن الشكوى لغير الله مذله



مشكوره على هالأسئله الخفيفه والمرور الأخف وحياك بأي وقت شيوخه

اطلق شنب مشكور على الشاي الحلوووو من تحت ايدك تسلم لي هاليد بس ماتشوف انه ماصخ شوي احبه حالي مره وبعدين الله يهديك اللي بالصوره من وين جاب الوسامه :jhgfdfd:
والله آآخذ ولد خالي احلى من هاللوجه ولو تقدم لي هالوسيم على قولتك اكيد برفض لانه مره نحيف واحسه شايب حده رجل بالقبر ورجل بالدنيا
ياخوفي اللي بالصوره انت بس هههههههههههه

هلا بك مزيونه نورتى ماقلتى لى متى بترعين بيتكم
اممم الله يعينك على
كيف كانت مراقتك؟؟
بما انك رومنسيه << عمرك حبتى ؟؟
وش رايك لو في احد خطبك كنتى تكمينه ؟؟ يعرف اغلاطك ومتمكبك ؟؟ وش رايك

انخطبتى ؟؟ سويتى نظرة شرعيه ؟؟ اذا صار قولى كيف حتى لو النظرة دخولك على حريم

ولى عودة

النور نورك فديتك كلي انوثه وبرجع لبيتنا يمكن الأحد أو الأثنين ولاتخافين قلت لك طلباتك حتى لو بعد اسبوع بلبيها لك من عندنا غيرك
كيف كانت مراقتك؟؟ مافهمت ايش قصدك عنوني الكلمه مو مفهومه
بما انك رومنسيه << عمرك حبتى ؟؟ اكيد فيه حد مايحب بهاالزمن
وش رايك لو في احد خطبك كنتى تكلمينه ؟؟ يعرف اغلاطك ؟؟ وش رايك؟؟
والله الحمدلله ماعمري غلطت غلط شنيع ولو خطبني شخص كنت اكلمه برفض لأن حياتي بتكون كلها شك ومشاكل ومااعتقد بتكون ناجحه بعدين كلي انوثه في كلمات مافهمتها يالغلاا شكلك وانتي تكتبين مستعجله حدك
انخطبتى ؟؟ سويتى نظرة شرعيه ؟؟ اذا صار قولى كيف حتى لو النظرة دخولك على حريم؟؟

ايه انخطبت كذا مره بعضهم تجي الأم تتكلم مع الوالده واخته وانا اشوف مواصفات الولد من كلامهم وإذا ماعجبتني اقول خليهم يتيسرون احسن من انه يشوفني واشوفه وبعدين مايعجبني او يطلع راتبه 2000 وارفض
انا عندي مااحب ان يشوفني وبعيدن نسئل وماتعجبنا اخلاقه او مااعجبه وعلى الفاضي يشوف ويكحل عيونه يعني تكون النظره الشرعيه على الفاضي من بين اللي خطبوني شخص واحد هو بس اللي طلب شوفتي والباقيين مقتنعين من ذووق خواتهم وامهم
طبعاً قالت امه الولد يبي يشوف البنت قالت امي نسئل اخوانها قبل وسئلت اخوي وانا رفضت بس اخوي قال من حقه وذا شي حلله الشرع ووافقت ومارحت انا له المجلس عندنا مجلس ثاني اخوي قاله تعال تفضل وانا كنت موجوده اول مادخل بس رفع عينه قال خلاص موافق وبس انا بعدين استخرت وماارتحت بصراحه رفضته...ماتلاحظين كلي انوثه عليك اسئله محرجه هههه

هاي مزيونه
ما شاء الله بس نظره على الماشي وقال
ابيها
ياعيني .. ياعيني
منتي بسهله :e5:

كم عمرك ؟؟ وكم مره انخطبتي ؟؟؟؟

وش المواصفات اللي تبينها تكون متوفره باللي يتقدم لك ؟؟

هل تريدين ان تسكني ببيت لوحدك او مع اهل الزوج ؟؟؟ ولماذا ؟؟؟

انتهينا من اسئلة الزواج
نروح لباب اخر

هل ندمتي على قرار اتخذيتيه يوم من الايام ؟؟ وماهو ؟؟

هل تتخذين قرارتك لوحدك او تستشرين احد ؟؟ ولماذا ؟؟ ومن هذا الشخص ؟؟

وشكرا
ولي عوده
برب :w9:

مرااااااحب بالمزيونه

نورتي الكرسي

اهلكوك بالاسئله الله يعينك عليهم


وهاذي اسئلتي الله يعينك علي:D

1/هل تؤمنين بالحب من اول نظره؟

2/هل تشعرين بالامان مع من حولك؟

3/شي او حدث حصل لك بحياتك واخذتي منه درس؟ماتكررينه؟

3/ماأصعــــب ان تظلمي ..فلم تستطيعي ان تدافعي عن نفسك ...فهل مررتي بهذا الموقف من قبل؟

4/دموووووعكـ ..هل يراها الناس؟

5/هل انتي ممن يجاملون كثيرا؟

6/هل تستطيعي العيش بدون رجل؟

7/ماذا اعطاااك الرجل؟

8/هل احسستي يوما او لمجرد ساعااات بانك وحيييده؟


والله ودي من زمااان اكتب لك اسئله بس ادخل ويصير عندي شغل واطلع

وهاذي الاسئله مو مني لحالي مشالله من هالشله اللي عندي اختي وبنت خالتي:secret:

الله يعينك نشفنا ريقك

واذاخطر سؤال علي ابرجع لك يمكن يخطر سؤال

وينك يا المزيونه
في اسئله ما جاوبتي عليها
وغيرها تنتظرك
.

كم عمرك ؟؟ وكم مره انخطبتي ؟؟؟؟
عمري 22 انخطبت 6 مرات
وش المواصفات اللي تبينها تكون متوفره باللي يتقدم لك ؟؟
امم يكون جامعي او ثانوي وتكون شغلته زينه يعني الراتب زين مو غرور فيني بالعكس عشان الوالد متوفي الله يرحمه ويمشي لي راتبين ماودي آآخذ واحد راتبه 1500 أو 2000 وش بيكفي بيروح على البيت كله ماودي بعد ماكان كل شي عندي اصير اتحسر على الشي ومقدر اشتريه وماابي اخذ غني وولد عز اهم شي يكون قادر على مسؤولية الزواج ولا لا يتزوج يجلس اعزوبي احسن له
وابيه حنطي أو ابيض بس مو مره ابيض او برونزي مايهم اهم شي مملوح ومقتدر ماعنده اي ديون ماليه ابتلش في ديونه مايكون سمين مره ولا قصير مره احس اني اتشرط والله بيبليني بواحد عكس كل هالأوصاف ههههه أنا ونيتي انشاءالله يعطيني ربي على قد نيتي

هل تريدين ان تسكني ببيت لوحدك او مع اهل الزوج ؟؟؟ ولماذا ؟؟؟
لا والله من أول الشروط اني في بيت لحالي حتى لو شقه حتى لو اهله طيبين معي مااحب اني بيوم اضايقهم بشي وتصير بينا مشاكل روح بعيد تجي سالم
انتهينا من اسئلة الزواج .. حياك خويلد بأي وقت أسأل وانا اجاوب
نروح لباب اخر .. فيه بيبان بعد نروح وش ورانا

هل ندمتي على قرار اتخذيتيه يوم من الايام ؟؟ وماهو ؟؟

ايه والله ندمت مرتين مره ايام ثالث ثانوي انخطبت ورفضته وكانت كل الشروط فيه بس كنت اشوف اني صغيره على الزواج وندمت المره الثانيه لما فوؤت اختبار القبول بجامعة الملك فيصل
هل تتخذين قرارتك لوحدك او تستشرين احد ؟؟ ولماذا ؟؟ ومن هذا الشخص ؟؟
أغلبها لوحدي بس انا من النوع اللي احب استشير الغير واشوف رايهم بعدين انا اقرر ترى اغلب الأمور اللي احب استشير فيها الزواج ومشتريات السوق لاكن اشياء ثانيه لا انا عندي عقل واعرف احكم بنفسي على الأمور إذا هو صح أو غلط
استشير عشان مااسوي الشي بعدين يعاتبوني عليه اقولهم انا شاورتكم وخذت رايكم مااحب اني اندم على شي سويته انا من اللي يهتم بكلام الناس بس مو دايم
في الزواج مثلاً احب استشير حتى قريباتي البنات يهمني راي الغير يمكن يشوفون شي انا مااشوفه ولااعرفه عن الزواج وعن الناس اللي جايه تخطب
طبعاً ماعندي حد معين استشيره اي أحد عادي كل الأهل احب استشيرهم بالشي واهمهم امي واخواني

هلا وغلا همسة حب النور نورك ونور الموجودين منورتني مشاءالله اختك وبنت خالتكى بعد الله يعني على الباقي سلمي لي عليهم وبعدين من جد اهلكوني بالأسئله يازين اسئلتك كلها كم سؤال وبس
هالبنات يموتون لازم يسئلون اعرف البنات فيهم حب استطلاع ولقافه والله انك صادقه اهلكوني هذا وانا رآفه فيهم اسأل مره واطلع واضيفهم احسن ضيافه لاكن يلا عطوني درس بوريهم الأسئله كيف تجي بعدين المشكله ان طبعي كذا مااحب اضايق الواحد بأسلئتي واغثه
وهاذي اسئلتي الله يعينك علي:D
الله يعني بس
1/هل تؤمنين بالحب من اول نظره؟
اكيد أؤمن تحصل كثير وبكل مكان حب من أول نظره
2/هل تشعرين بالامان مع من حولك؟
على حسب من الأشخاص اللي جالسين حولي يمكن تكون قريبه أوصديقه عزيزه بالحيل لاكن تدور الزله علي وتستخدمها ضدي أنا مااشعر بالأمان الإ مع اللي احبهم اهلي وحبايبي انا دايم اكون حذره بكل خطوه اخطيها
3/شي او حدث حصل لك بحياتك واخذتي منه درس؟ماتكررينه؟
تركت شخص احبه بالحيل بدون سبب مقنع وتندمت على اللي سويته
3/ماأصعــــب ان تظلمي ..فلم تستطيعي ان تدافعي عن نفسك ...فهل مررتي بهذا الموقف من قبل؟
والله يمكن موقفين اللي حصل اني انظلمت فيهم بس دايم اقول في نفسي الله بياخذ حقي من اللي ظلمني والله مع المظلوم على الظالم
ما من ظالم إلا سيبلى بظالم
4/دموووووعكـ ..هل يراها الناس؟
لاااا مستحيل احاول بقدر الإمكان اني احبس دموعي حتى وقت الأحزان انا حياويه كثير حتى بالبكاء استحي الناس تشوفني اصيح دايم ابكي في مكان منعزل عن الناس
هل انتي ممن يجاملون كثيرا؟
والله مااحب اجامل كثير احب اكون صريحه نادر مااجامل إذا جاملت الواحد يعني اغشه ومو حلو اني اغش الناس
6/هل تستطيعي العيش بدون رجل؟
والله الحياة أساسها المرأة والرجل بس اكيد بعيش من دون رجل طول عمري عايشه من دون رجل
7/ماذا اعطاااك الرجل؟
ولا مو فاهمه صيغة السؤال بس الرجل احسه يسد ثغرات الوحده عند المراة بكل صراحه يعطي كل شي الحب والحنان
8/هل احسستي يوما او لمجرد ساعااات بانك وحيييده؟
دايم احس اني وحيده مدري ليه وعشان كذا احب احط نكي loOonely girl

ههههههه
هلا بك مزيونه تونى ادرى انى اكلت حروف من السرعه
السؤال اللى فوق كيف كانت مراهقتك؟؟
بس ونااسه النظرة اللى هو جالك احسن من الثانيه اللى انك تجين له كلها رعب وعوار بطن من الخوف
هههههههه


ابيها بالاعضاء اللحين
مين الل تميلين له من الاعضاء
مين الى تحبين تقراين مواضيعه
مين من الاعضاء تحسين انه طيب مرة وعلى نياته
مين من الاعضاء تتوقعين انه دب
مين تحسين انه عليه حركات لف ودوران
مين تتوقعين انه مغرور
مين اللى تحسين ان النك حقه ماينطبق عليه

اممم نرجع للاحراج
وش رايك بكلى ؟؟ ولمن انشب لاى عضو بالكرسي وش تقولين بخاطرك ؟؟
كم مقاس الجينز؟؟<<<:e5: سؤال مدرى ايش يبي
طيب صورى احلى بيجامه بالنسبه لك يعنى تحبينها كثير <<<

امم بروح وبرجع باي

هاي مزيونه
احس اني نشبه
قطت وجهه
هالمره راح اضيفك واعزمك على بوفيه مفتوح
ولاتزعلين
كم مزيونه عندنا
واذا شبعتي وارتحتي جاوبي على اسئلتنا


http://www.saudizoom.com/uploaded/25_11184525325.png

http://am888.jeeran.com/20070502054.jpg

http://members.abunawaf.com/fayezdh/sir_lanka/kandy/kandy31.jpg

كل الشباب معزومين على شرف المزيونه
نبدا الاسئله

كتبتي في احد اجوبتك
انك تريدين زوج مقتدر يوفر لك شي ويسكنك لحالك
من نظرتي
انه مثل هذا الشخص اما يكون من عائله غنيه
يعني يعشك على حساب ابوه واهله
لانه مايوجد شخص مقتدر من وظيفته في بداية حياته
تبينه يوفرك لسكن لحالك
ومايرفضلك طلب
انتي تبين بنك مو انسان تعيشين باقي حياتك معه
يعني اللي تبينه لازم يكون راتبه 10 الالف وفوق
والشخص هذا اما يكون عمره فوق الـ 30 او انه موظف شركه دوامه 12 ساعه باليوم
يعني ماتشوفينه اما يكون مداوم او نايم
واذا تقاعد ومايملك شي
تتركينه ؟؟
هل يرضيك الشخص اللي عمره فوق الـ 30 او اللي يعشك على حساب اهله ؟؟؟
هل هذا ماتبحثين عنه ؟؟؟؟

وليه ماتفكرين بشخص تبدين حياتك معه
خطوه بخطوه
مافي شي يجي بيوم وليله

ولي عوده
اذا ما تبين اجي قولي
احس انك تضايقتي مني :D

واااااااااى خالد جوعتنى
وينك مزيونه يلا نبي ناكل

امم امم لو جاك اح بالمواصفات اللى ودك فيها بس فيه مشكله مايجيب عيال <<< هذى مدرى كيف عرف انه مايجيب عيال بس في سالفه صارت زى كذا

تحبين العيال <<< مو تماسيحنا لا الاطفال الحلوين اللى يجيبون الظغط

ليه سميتى نفسك بالمنتدى المزيونه ؟؟
وليه ماتقولين اسمك مع انه اسم مايضر؟؟

وينك وينك :HEADSHOT:

حنا محنا خالصين من أسئلتس وطلباتس الزايده والله اني متحسفه اني مانشفت ريقتس في كرسي الإعتراف قلت برحمتس بس يلا خيرها يغيرها اوريتس بعدين
مين الل تميلين له من الاعضاء ؟؟
انتي فديتك كلي أنوثه
مين الى تحبين تقراين مواضيعه ؟؟
امممم والله احب اقرأ أي موضوع يلفت نظري ويعجبني بغض النظر عن كاتب الموضوع بس يمكن أكثر شي أحب أقرأ مواضيع خالد المطيري دايم مواضيعه متجدده ومتميزه
مين من الاعضاء تحسين انه طيب مرة وعلى نياته ؟؟
والله كلكم طيبين وحبوبين مافيه حد معين بصراحه
مين من الاعضاء تتوقعين انه دب ؟؟
ههههههه سؤال فيه احراج احم احم أميرة في قلب حبيبي ههههههه امزح اتوقع و بدون زعل واله ماشفتهم انا مااقدر اتوقع بس بما ان خالد حاط صوره مدري اذا صورته فأتوقع انه دب شكله حقد علي الحين هههههه
مين تحسين انه عليه حركات لف ودوران ؟؟
المهاجر وعز الخوي امزح تران :gh:
مين تتوقعين انه مغرور ؟؟
والله فيه كم عضووو بس مقدر اصرح بيكرهوني إذا علمتك واخاف يحقدون علي
مين اللى تحسين ان النك حقه ماينطبق عليه ؟؟
وحدها قلت لها خذي هالنك هديه >>>> احلاهم واتحداهم
اممم نرجع للاحراج !!
نرجع ليه لا هو خليتي شي انتي حسابك عندي بعدين
وش رايك بكلى ؟؟ ولمن انشب لاى عضو بالكرسي وش تقولين بخاطرك ؟؟
كلي والله انتي شخصيه مره محبوبه بالمنتدى ومحبوبه عند الكل اكيد واحسك طيوبه مره ووو شخصيه مرحه وفرفوشه وصاحبة مواضيع مميزه
لما تنشبين لأي احد بالكرسي والله مايجي شي ببالي ولاأقول شي عادي حالك حال غيرك تسئلين وتمشين بس يمكن انك فضوليه هع هع


كم مقاس الجينز؟؟<<< سؤال مدرى ايش يبي ؟؟
يوم انك داريه انه مدري وش يبي هالسؤال ليه تسئلين بس بجاوبك ترى أنا صريحه لأبعد حد مقاسي 30 واحيان 29 خصري نحيف والله على حسب ماركة البنطلون تختلف المقاسات
طيب صورى احلى بيجامه بالنسبه لك يعنى تحبينها كثير <<<
ماتشوفين ان من العيب اني اصور ملابسي واعرضهم بالمنتدى واخزياه أسمحيلي أولاً تو مارحت للبيت وثانياً مقدر والله اعذريني طيب وش رأيك تسيرين علينا واوريك دلابي كله واللي بداخله بعد وتشوفين بالمره البيت عشان ماتطلبين اصورلك شي

خويلد اعقل عني ترى طفشتني بس احسن شي سويته البوفيه والله مره عجبني البوفيه وعزمت كل اللي بالمنتدى وزميلاتي وقريباتي استانسوا فيه مشكوووور يالغلااااا على البوفيه نسويلك بزواجك انشاءالله على حسابي
بعدين تعال تعال من قالك اني ابي واحد غني لا والله اللي ابيه واحد رابته على الأقل 4000 او 3500
يقدر يدفع إيجار الشقه ويكد على البيت احس الموضوع صار سيرة وانفتحت خخخخخخ مو كرسي الأعتراف لا من جد بالله خلنا صريحين الحين إذا خذته اكيد بيسكني بشقه ايجار اغلبهم كذا وذا شي راضيه فيه وبعدين بيدفع الأيجار شوف كم وغير ديونه إذا ماكان متسلف المهر ولا مصاريف العرس وبعدين لما نجيب اطفال من وين بيكد عليهم ترى أنا ماأقول الإ من مواقف اشوفها كثير فيه ناس معاشها 4000 وماهي قادره توفر حليب حق عيالهم الصغار
وأنا ماقلت ابي معاشه 10000 ولا ابيه بأرامكوا اللي يجي من الله حياه الله
لو يكون بعلمك أنا خطبني واحد راتبه 2000 وابوه صاحب عقارات اوكي وبيوفر لنا سكن ملك وبيكد علينا لاكن رفضت تدري ليه لأني سئلت اكثر قالوا الولد مجرد موظف عند مقاول يعني يمكن يستغنى عنه بأي وقت وغير كذا ليه نعتمد على ابوه ليه هو بيدوم له ابوه لاتفكر ياخالد اني اهتم بالماديات
أنا مقتدره والحمدلله مااهتم بالماده كثير بس تصدق كلامك مثل كلام خالي يقول خذي ولدي قلت لا راتبه ضعف وهو مثل اخوي قال انا تزوجت وعمري 17 وكان راتبي 1000 والحين بأرامكوا ومعاشه يعيش بيتين قلت هالكلام في زمانك مو الحين مع انه خالي بالأربعين

كلي انوثه يادلبووو البوفيه مفتوح حياتس وجيبي من يعز عليتس بعد



امم امم لو جاك اح بالمواصفات اللى ودك فيها بس فيه مشكله مايجيب عيال <<< هذى مدرى كيف عرف انه مايجيب عيال بس في سالفه صارت زى كذا ؟؟
والله شوفي كل شي بيد الله فيه ناس كانوا مايجيبون عيال وبقدرة الله سبحانه جابوا
أنا لو جاني واحد عقيم يعني عادي اقبل ليه لا دام الله كاتبه ليه لا مانتعترض على حكمته

تحبين العيال <<< مو تماسيحنا لا الاطفال الحلوين اللى يجيبون الظغط
أنا احب الأطفال مره خاصة البنات وماعندي صغار بالبيت انا اصغر وحده والبنت الوحيده بس عندي بنت خالتي عمرها سنتين ونص محد رباها غيري لو تدرين انها تحبني أكثر من امها ماتنادي الإ بأسمي إذا ضربوها او إذا بتنام وإذا رحت لهم مااطلع الا وناشبه فيني واخذها وجدتي ماتقول الا غسلي بنتك ودي بنتك لأن امها مهمله فيها بصراحه وأنا اللي مسميتها عشان كذا احبها مثل ابنتي التي لم الدها يقولون الأم اللي تربي مو تولد
ليه سميتى نفسك بالمنتدى المزيونه ؟؟ أنا بكل مكان المزيونه اطلقت النك بجوالي من زمان ومشوها قريباتي علي صاروايسموني بهاالنك بالجوال وغيره
وليه ماتقولين اسمك مع انه اسم مايضر؟؟ أنا كذا متحفظه بكل شي تخيلي مجرد تخيل لو بالصدفه واحد من اهلي مع انهم مو حق منتديات دخل بيحمل برنامج ودخل منتداكم وعجبه الموضوع وقرأ كل الموضوع وشاف اعترافي بكرسي الأعتراف واسمي وقال هالبنت نفس فلانه قريبتي خلني بدخل من جهازها لو لقيت انها مسجله يعني هي وانتي مشاءالله تبين اصور لك الدولاب عاد تخيلي الموقف انتي .. عاد اسمي ماتلقين مثله الا نادر مره

هلا بك مزيونه انا جيت اهاا يعنى اسمك قليل منه

يؤ خالد :fdgdfg: تقول عنك دب يالدب

:n[1]: حبتين اروح بيتكم اشوف الدولاب

طيب بسالك سؤال
انتى تشوفين انك تسوين غلط اذا كنتى بالمنتدى ؟؟
ولى عودة

انتى تشوفين انك تسوين غلط اذا كنتى بالمنتدى ؟؟

لاوالله الحمدلله محترمه نفسي عشان الناس تحترمني ومااعتقد اني اسوي غلط اذا كنت بالمنتدى مجرد تضيعه للوقت وتثقيف وإستفاده معلومات بس عندنا حنا عيب سوالف منتديات وغيره يعني عادي اني ادخل اخذ لي غرض برنامج اغنيه وصفات او طرق حلى او طبخات واطلع اوكي بس اطق حنك لا

باكوكي يرج الشبكه العنكبوتيه بحااااااااااااااااالها

كيفك مزيونه؟؟؟عساكي بخيررر؟؟؟؟

س: أين تجد ( مزيونه) نفسها في الريم؟ وهل هي راضية عما قدمته للريم ؟

س: يقولون الاذن تعشق قبل العين أحياناً هل (مزيونه) مع هذا القول أم ضده ؟ وماهوأجمل بيت شعر تعشقة (مزيونه) وأجمل كتاب وأفضل حكمة ؟

س: أصعب تجربة تمر بها ( مزيونه ) ؟

س: حدثينا قليلاً عن الذكريات وماذا تفكر ( مزيونه ) في المستقبل ؟

س:شخص عاش في خيال ( مزيونه ) وتسرب إعجابك بشخصيته في سراديب قلبك المحاطه بحراسه شديده وتمنيتي أن تريه ويراكـ ولو لوهله ... ماذا تقولي له هنا ؟


س:ماذا تعني لـ ( مزيونه ) الصداقه ؟ وكيف تختارين صداقاتك ؟

اذا جاء شيء ببالى رجعت
تقبلى تحياتي مزيونه

هلا بك مزيونه من جديد
انتى كويسه<<< ماشالله عليك باين انك من عيله متحفظة اهنيك على اخلاقك الحلوة

نرجع للاسئله
ايش حلمك بالحياة ؟؟

امم مارايك بالاعضاء باللى تتوقعينه فيهم
اطلق شنب " المهاجر" عزالخوى " سمو الامير

ابشرك بكرة اخر يوم لك
ها وش رايك بشارة حلوة ولا ماهى حلوة؟؟

س: أين تجد ( مزيونه) نفسها في الريم؟ وهل هي راضية عما قدمته للريم ؟
والله بكل قسم أجد نفسي بس يمكن أكثر شي بالأقسام النسائيه ... والله مو راضيه على اللي اقدمه احس أني مقصره هالأيام بسبب أنشغالي هالفتره وانشاءالله كلها فتره وافضي نفسي للمنتدى
س: يقولون الاذن تعشق قبل العين أحياناً هل (مزيونه) مع هذا القول أم ضده ؟ وماهوأجمل بيت شعر تعشقة (مزيونه) وأجمل كتاب وأفضل حكمة ؟
صح هالمقوله وأنا مع هالكلام احيان الأذن تعشق قبل العين
أجمل بيت شعر ؟؟
لحامد زيد طبعاً .....
عطيتك عشق من قلبي وسلمت لغلاك ارقاب
وغيرك يحترق قلبه ولايقدر يحاكيني
انا قبلك صدفت عيون لكن وش جاب لجاب
ترى كل العيون اللي لقتني ماتكفيني
رماني حظي العاثر عليك وجيت لك طلاب
..........
وقصيدة الثريا البيت
ليه تطعني وانا ميت بليــــا
ماكفاك اللي حصلي قبل ساعه
.........
صرت تاخذ كذبتي صدق ومزاحي وكاد
لو بقول اني بخونك تحسب اني بخون
ماتعرف ان كل شاعر يهيم بكل واد
وانهم دايم يقولون ما لا يفعلون
ابك انا لا قلت بنساك وانكرت الوداد
والله اني مانسيتك ولا هم يحزون
أجمل كتاب ؟؟
والله مدري انت كاتب اجمل كتاب مدري تقصد اجمل كاتب أواجمل كتاب
أجمل كتاب عندي كتاب الله عز وجل القرآآن

أجمل حكمه ؟؟
اعمل خير وقطه بحر
الحب بئرعميق اشرب منه فقط واحترس من أن تقع به

س: أصعب تجربة تمر بها ( مزيونه) ؟
تجربة الحب وتجربة فراق الأب
س: حدثينا قليلاً عن الذكريات وماذا تفكر ( مزيونه) في المستقبل ؟
تكون مشاهد محفورة في الذاكرة لاتنمحي أبدا وحتى لو نسيتها لابد أن يأتي يوم وتتذكرها وتعيشها ..
الذكريات" هي.. مواقف وأحداث مرت على الإنسان منها السعيد والجميل ومنها الحزين والكئيب..
هناك أناس يحبون أن يعيشوا على "الذكريات" .. فالأصحاب والأحباب تكون بينهم تلك "الذكريات" الجميلة التي كلما تذكرها الإنسان تجده سعيداً.. فرحاً..
والحزينه التي يحاول الأنسان العيش بدون تذكرها ويمحيها بالحاضر الجميل ..
واحيان تكون الذكريات الجميله هي التي تنسي حماقات الحاضر ...
الذكريات هي التي تداوي كسرالقلوب والخواطر ..
هي السفينة التي تبحر بي بعيداً عن كل الحزن والمخاطر...
انا يأخ طالق شنب قليل ماانظر لممستقبل عيش حيلتك ولا تفكر بالمستقبل فكل شي سيأتي بوقته لأكن لو فكرت بالمستقبل أفكر بالشهاده الجاميه وإدارة اعمال ناجحه وزواج مستقر مبني على الصدق والحب والوفاء وانشاء جيل صالح
س:شخص عاش في خيال ( مزيونه ) وتسرب إعجابك بشخصيته في سراديب قلبك المحاطه بحراسه شديده وتمنيتي أن تريه ويراكـ ولو لوهله ... ماذا تقولي له هنا ؟
بقوله
بحط قلبي بين ايدينك هديه وقول لك كل عام وانت حبيبي الله لايغير عليك وعليا ياجعل قلبك دوم حظي ونصيبي اغنية راشد
تعني لـ (مزيونه) الصداقه ؟ وكيف تختارين صداقاتك ؟

الصداقة هي رصيدي الانساني من هذة الحياة بالاخلاص والوفاء والتضحية ويجب أن نحافظ عليه
حروف هذه الكلمة 00 ليست ككل الحروف
ص : الصدق
د : الدم الواحد
ي : يد واحدة
ق : قلب واحد
الصداقه هي كل شي في حياتي (الصديق وقت الضيق)
للصداقات أثر عظيم في نفوسنا، و يترتب عليها نتائج هامة في مستقبل كل منا؛لذلك لابد أن نختار صداقاتنا بعنايه وأنا اهم شي عندي بالصديقه انها تكون على دين وخلق قبل كل شي لأن الواحد يتأثر بصدقاته وتكون صداقه قائمه على الأمانه والأخلاص وخاليه من اي غرض شخصي أو اعجاب
أن النبي http://www.khotab.net/images/image003.gif قال: ((إنما مثل الجليس الصالح والجليس السوء كحامل المسك ونافخ الكير، فحامل المسك إما أن يحذيك، وإما أن تبتاع منه، وإما أن تجد منه ريحًا طيبة، ونافخ الكير إما أن يحرق ثيابك، وإما أن تجد منه ريحًا نتنه ))

حياك بأي وقت اطلق شنب مشكووور على المرور الحلووو بكرسي الاعتراف اخيراً انتهيت من الأسئله

http://www.raff3.com/uploads/picture/24a062b9f4.gif (http://www.raff3.com)

حلمي مثل حلم أي بنت اني اكون ناجحه بحياتي واحقق كل أمنياتي بالحياة واقدر اسعد كل من حولي وارضي ربي وارضيهم وودي اسافر لأجمل دول العالم دايم احلم اني الف نص الكون ..
رأيي بالأعضاء ..
أطلق شنب .. ,, >>> شخص مرح وغامض ويحب شن الحروب على السحالي
المهاجر .. ,, >>> عضوو مميز ونشيط خاصه بقسم الالعاب والمسابقات ودمه خفيف
عز الخوي .. ,, >>> مره طيوب وصاحب شخصية متميزه وياكثر مايختفي عن المنتدى ويرجع
سمو الأمير .. ,, >>> والله مااعرفه كثير بس من ردوده احسه اجتماعي وحبووب ومتألق

اتشكرك كلي نوثه على الاستضافه الحلوه بكرسي الأعتراف واتمنى اني مااكون أزعجتكم بردودي أو تأخرت عليكم بالرد على الأسئله
وانتي ماقصرتي نشاءالله احلى استضافه من تحت يدك تشكرين عليها وانشاءالله اقدر اردها لك << اهم شي عندي اردها لك وأخيراً انتهيت من كرسيكم واسئلتكم اللي احسها تعذيب لي الحين بأخذ اجازه من الكرسي أحلى بشاره بشرتيني فيها بس بصراحه ... موضوع متميز ورائع وكاتبته اروع .. سلامي لك غلاي

http://www.raff3.com/uploads/picture/cc82f0e7f4.png (http://www.raff3.com)

http://www.raff3.com/uploads/picture/2008de1e57.gif (http://www.raff3.com)

http://www.raff3.com/uploads/picture/875b354022.gif (http://www.raff3.com)